Jæja, þá er sá dagur runninn upp, dagurinn sem ég yfirgef Blog.Central. Ég tel mig hafa gert allt sem hægt er að gera með þessa síðu og því leita ég annað. Nánar tiltekið á blogspot.com. Frá þessum degi munu mínar burðugu bloggfærslur hljómar þar. Allir að muna að breyta linkunum á mig
http://mrhilton.blogspot.com/
Ástæðan fyrir að ég hef ekki beinan link er að ég nenni ekki að vera stússast í HTML fræðum.

Nú er helgin frammundan. Nóg af gera í lærdómskverunum, þýskupróf fyrir Mánudaginn, heimapróf í félagsfræði fyrir Mánudaginn og fleira og fleira (Ef það er eitthvað fleira látið mig vita). Þó mun ég að öllum líkindum gleyma lærdómnum þar til circa 23.47 PM á Sunnudagskvöldið, þá mun ég fá nett sjokk og að endingu fara í bólið með góða áætlun um að svindla á þýskuprófinu og fá að sjá heimaprófið hjá einhverjum öðrum nemanda. Góðir tímar.

Helgin mín byrjar þó ekki fyrr en við félagar í "De Club van Mensen Interesseerde zich in Ongewone Films" horfum á tvær sniðugar og júsí kvikmyndir á Horror Barnum mikla auk þess að setja Falcon Crest í tækið. Góðir tímar.

"Under capitalism, man exploits man. Under communism, it's just the opposite." (John Kenneth Galbraith)

Eftir áralangar rannsóknir hef ég komist að því að Fimmtudagar eru mjög leiðinlegir dagar til að vera í skólanum. Þeir byrja leiðinlega og enda seint.

Annað sem ég vil koma fram; Þeir sem segja að allir í Bandaríkjunum séu heimskir eru heimskir með því að koma með svona heimskulega staðhæfingu. Takk, ég vildi bara segja ykkur þetta því að það eru 2 hópar í Íslensku samfélagi sem ég þoli ekki, einn þeirra er sá hópur sem getur ekki talað um kvikmyndir, glæpi, samfélagsmál eða bara yfirhöfuð eitthvað af viti án þess að tjá sig um andúð sína á Bandaríkjunum. Ég veit að Bandaríkin eru ekki heilög en er eitthver af okkur það, er heimurinn ekki ein stór kúla yfirfull að syndurum og dusilmönnum. Ástæða þess að ég rita þetta hér er að því ég var rétt í þessu að lenda í einum svona einstakling.

PS: Það er ekki of seint að skrá sig í Falcon Crest maraþonið sem ég og Skúli ætlum að halda. Áhugasamir hafi samband við annað hvort mig eða Skúla.

"When the character of a man is not clear to you, look at his friends." (Japanskur málsháttur)

Í gærkvöldi vorum við meðlimir "félags áhugamanna um skrítnar kvikmyndir"(Ég, Skúli, Arngrímur, Brynjar og Þorkell) þess aðnjótandi að fá að sjá myndirnar "Frankenhooker" og "The Incredible Melting Man". Horfðum við á þessar kvikmyndir á hinum margrómaða "Horror Bar". Kvikmyndin Frankenhooker dregur, eins og nafnið gefur nokkurn veginn til kynna, smá söguþráð úr hinni frægu Frankenstein sögu(já, Frankenstein er ekki byggt á Frankenhooker) eftir Mary Shelley. Til að eyðileggja ekki fyrir þeim einstaklingum sem ætla sér að taka þessa mynd á leigu seinna meir hætti ég nú að tala meira um hana annars gæti ég komið of mikið upp um innihald þessarar júsí myndar.
Í hinni kvikmyndinni "The Incredible Melting Man" þá fylgjumst við með því er the Incredible Melting Man labbar um sveitir og angrar íbúa lítils þorps með því að borða suma þeirra. Mjög áhugaverður söguþráður.

"You cannot escape the responsibility of tomorrow by evading it today." (Abraham Lincoln)

Núverandi staða: Hef ekki enn jafnað mig á ófétis "root beer" sem ég fjárfesti í. Eftir að hafa séð allar stjörnurnar í Hollywood þamba þennan drykk hélt ég að ég væri að kaupa fyrirtaksvöru, usss, allsekki.

Það er nú alveg makalaust hvað hún Imma er alltaf pirruð yfir okkur í tímum, ég bara skil ekki af hverju. Það er nú ekki eins og hún sé að kenna eitt af leiðinlegustu fögum sem einfaldir félagsfræðinemar hafa kynnst og að okkar kynslóð sé með mestu athyglisbresti sem sögur fara af. Ég stend á gati yfir þessu öllu.

Allavegna í veikindakasti mínu um helgina komst ég að því hversu mikið ég sakna gömlu Hercule Poirot myndanna sem Stöð 2 sýndi hérna á árum áður. Sá reyndar Death on Nile um daginn með Peter Ustinov í hlutverki Poirot, afbragsleikari þó ekki eins góður finnst mér og David Suchet sem leikur hann núna. Það sem mér fannst alltaf skemmtilegast við myndirnar var að maður gat reynt komast að því hver morðingi væri áður en Poirot upplýsti síðan okkur áhorfendur. Skemmtileg saga.

"Those who dream by day are cognizant of many things which escape those who dream only by night." (Edgar Allan Poe)

Í dag, fimmtudaginn 16 september, mun ég fjalla um sjónvarps iconið mitt, Darkwing Duck. En fyrir allra hörðustu lesendur blogg míns þá hafi þið vafalaust komið auga á seinasta "quote-ið", þar sem vitnað er í sjálfan manninn. Fyrir þá sem ekki vita hver Darkwing Duck er, það er leitt, því hér er án efa besti karakter sem Disney-samsteypan, undir stjórn hins illa Michael Eisners(hann ætlar nú að hætta árið 2006), hefur framleitt fyrir okkur neytendur.
Í þáttunum um Darkwing fylgdust við með því er hann barðist við illmenni Andabæjar(fyrir þá sem vita hvað Andabær heitir á ensku endilega látið mig vita, ég VERÐ að vita það) í circa hálftíma þáttum. Með honum var flugöndinn þarna(man ekki hvað hét) og voru þeir öflugt teymi. Ég fjárfesti síðan í sjálfum leiknum, þar sem ég fór í hlutverk Darkwing og barðist við spillingu og glæpi. Allavegna, þetta er mitt sjónvarps icon(idol), endilega segið mér frá því hvert ykkar sjónvarpsicon er.

"The advantage of a bad memory is that one enjoys several times the same good things for the first time." (Friedrich Nietzsche)

(Þessi bloggfærsla er til marks um það að rithöfundur hennar sé búinn að missa vitið, mæli með því að lesendur hringi sem allra fyrst í geðdeild og láti læsa hann inni þar sem hann getur aldrei angrað neinn framar með furðulegum bloggfærslum)

Ég veit ekki hvað ég ætti að segja frá, alveg er þetta makalaust hvað maður getur klikkað í blogginu. Kannski ég ætti að fæla lesendur mína frá með umfjöllun um hvað RÚV séu miklir slúbbertar með þessum endalausa innflutningi sínum á BBC sjónvarpsþáttum um eitthverjar aðalsættir á 18 og 19 öld í Bretlandi. Hvernig getur fyrirfinnst svona mikið efni af sama efninu aftur og aftur og aftur. Mér finnst þetta voðamikil sóun á pening. Hvað eigum við þá að kaupa í staðinn spyrji þið? Allavegna ekki eitthverja endurrunna Bandaríska "sitcom" þætti eða spænskar kvikmyndir og franskar sem meika ekkert sense.

Annars var ég nett hræddur í dag bæði í Félagsfræði og Hagfræði, ég var hræddur í félagsfræði vegna þess að ég er alltaf hræddur við Margréti Har og Imma var eitthvað "iffy" yfir látunum í fólki. Ef það passar sig ekki þá gæti hún sest á það.

"The worst part of public transportation is the Public." (Darkwing Duck)

Ég hef ákveðið hvert bekkurinn fer í útskriftarferðinni, við munum fara til Lettlands og gista eina nótt í Sovésku "fangelsi". En í Fréttablaðinu er nefnilega þessi skemmtilega grein um að núna fái ferðamenn sem borga svimandi háa upphæð, 700 ÍSLENSKAR krónur, að gista eina nótt í gömlu fangelsi og kynnast af eigin raun hvernig gestrisni Sovétmanna var háttað. Þar er öskrað á mann, maður settur í einangrun(þó aðeins ef þú ert ekki þægur) og klósettaðstaðann er lítið gat sem mun vera á gólfinu, semsagt mjög kósí.

A conservative is a man with two perfectly good legs who, however, has never learned to walk forward. (Franklin Delano Roosevelt)

(The opinions expressed by Mr. Roosevelt are not necessarily those of The Lounge of Gentlemen)

Var rétt í þessu að klára að horfa á upptöku af ræðu George W. Bush á landsþingi Republikana. Mjög áhrifamikil ræða, þó hún hafi verið líkari state of union ávarpi en venjulegum landsþingsræðum. Í henni lofar hann miklum breytingum í skólakerfi Bandaríkjanna, auka störf í landinu, betrumbæta heilsugæslu og fleira og fleira. Metnaðarmikil loforð, þó einkennast meir af hugsjónum en staðreyndum. Umgjörð Landsþingsins einkenndist ekki af jafnmiklum íburði og Landsþing Demókrata, án efa tilraun til að breyta ímynd flokksins og jafnframt Forsetans. Forseti gerði nokkur skot á andstæðing sinn, John Kerry, en hann gerði líka eitt skot á sjálfan sig; Bush: You may have noticed I have a few flaws, people sometimes have to correct my English, I knew I had a problem when Arnold Schwarzenegger started doing it. Allavegna, ræða hans var mjög forvitnileg og jafnframt skemmtileg þrátt fyrir að nokkrum sinnum hafi þurft að færa óeirðaseggi út úr salnum. Hef ég strengt loforð við sjálfan mig að a.m.k einu sinni á ævinni mun ég sitja landsþing Republikana. Öllum er heimilt að koma með mér og taka þátt í showinu.

fékk góða hugmynd að sápuóperu: Dinerinn. er þessi hugmynd sprottinn af ferð okkar skúla, brynjars og þorkells á þann mikla veitingastað. í sápuóperunni myndum við fylgjast með eigenda dinersins og starfsmönnum og auðvitað viðskiptavinanna, og myndu þau öll lenda í sniðugum ævintýrum eins og þegar heilbrigðisinspectorinn kemur í heimsókn og dinerinn lendir í þeim málum að þurfa loka daddadaaaaa!!!!! eða þegar vondi auðjöfurinn ætlar sér að yfirtaka staðinn og segja upp starfsfólkinu. ooooohhh!!!!! 

nú er skólinn byrjaður aftur af fullum krafti og eftir aðeins 2 daga hefur mér og öðrum aðilum tekist að mæta seint í eftirfarandi tíma; íslensku og leikfimi og vegna seinleika hætt við að mæta í hagfræði. Glæsileg byrjun hjá manni. En á öðrum skemmtilegum nótum þá var hinn mikli maður Bill Clinton í heimsókn á okkar littla skeri og kom hann við í Bæjarins bestu og fékk sér pulsu(muna pulsa ekki pylsa), á hana fékk hann sér sinnep. Annaðhvort fékk hann sér ekkert meira eða við fáfróðu íslendingar fáum ekki meiri heimildir um pulsuinnihaldið frá talsmönnum forsetans fyrrverandi. Nú er málið að skella sér niðri í bæ og fá sér einn "Clinton" hjá Bæjarins. Hver veit nema að bráðum muni Bæjarins Bestu skapa jafnstóran sess og Bláa lónið í Íslandskynningum erlendis.

núna er skólinn að fara hefjast fyrir þá sem ekki vissu og hélduð að þið gætu slugsað með að fara á skiptibókamarkað og fengið pínulítið brot af því sem þið borguðuð fyrir bækurnar ykkar seinasta haust tilbaka. en sá merkisdagur mun vera næsta þriðjudag. en á laugardaginn mun vera svokölluð menningarnótt í reykjavík, sem hefst þannig að fyrst munu eitthverjir duglegir taka sig til og skokka niðri bæ í hinu heimsfræga Reykjavíkur maraþoni, meðal þeirra mun vera hópur eldri borgara sem meirihluti veit ekkert hvað það er að gera þarna og munu setningar eins og; "hvar er ég", "ég er syfjaður" og "ég þarf á klóstið" hljóma ótt og títt í þessum skemmtilega hópi. en nóg með skítkastið á eldra fólk, síðan mun eitthver aðili vinna þetta maraþon, mun að öllum líkindum vera einstaklingur frá afríku ríki sem við "lazy fat icelandic people" könnumst ekkert við. síðan mun fjölskyldufólk drífa sig niðri bæ um kvöldið til að 1. finna ekki stæði, 2. labba um í sveittri þvögu af fólki sem stal öllum stæðunum, 3. bíða eftir flugeldasýningu. Síðan þegar sú sýning er búinn mun þetta fjölskyldufólkið halda heim á leið, þá munu svo koma children of the night fram á sjónarsviðið, þ.e.a.s. fullir unglingar og munu þeir skemmta sér fram til morguns (skemmta sér þýðir auðvitað ekki vita hvar það er vegna óhóflegrar drykkju og ekki vita hvernig það kemst heim) þetta mun vera mín úttekt á menningarnóttinni. þeir sem eru ósammála mér og langar að berja mig endilega kommentið og látið óánægju ykkur í ljós.

í dag fékk ég áhugavert bréf í gegnum lúguna, en það var frá orkuveitu Reykjavíkur. Á því stóð með stórum rauðum stöfum: VERIÐ VIÐBÚIN! Lokað verður fyrir kalda vatnið þann 12 ágúst frá klukkan 13:00 til 17:00. Allt í lagi gott að þeir láta mann nú vita, en málið er það kom í gegnum lúguna klukkann 13:45, heilum 45 mínútum frá því að lokað var fyrir kalda vatnið, svo ég var ekkert viðbúinn og ég varð því fyrir nettu sjokki þegar ég ætlaði að fá mér kalt vatnsglas. Ætli sökin sé Orkuveitunnar eða póstsins fyrir þessu áfalli sálarlífs míns?

núna ætla ég að prófa að skrifa það sem við eðalmenn bloggheimsins köllum sorglegt blogg: Vaknaði klukkann 11 í dag, nennti ekki á fætur. Ákvað að bíða aðeins. Fór síðan framúr og fékk mér pizzu frá því í fyrradag, var orðinn dáldið hörð. Ég kveikti síðan á sjónvarpinu. Það var ekkert í því. Horfði samt á það. Fór síðan á klóstið, hélt síðan áfram að horfa á sjónvarpið. Ennþá ekkert í því. Fór því á netið og er að skrifa þessa færslu. (Ég vil taka það fram að texti þessi tengist mér að engu leyti, er hann uppspuni með öllu).

ákvað að blogga smá, þrátt fyrir bloggbannið sem ég er í, hef ekkert að segja, ekkert að gerast, en endilega kommentið eitthvað skemmtilegt til að gleðja lítinn björn